Plantun de Prouvènço

Pèr coumpara dos planto d'encò nostre

Agrostis castellana & Sisymbrium irio

fotò
fotò
Treinasso(-de-Castiho)

Agrostis castellana

Poaceae Graminaceae

Autre noum : Gramenet.

Noms en français : Agrostide de Castille, Agrostide.

Descripcioun :
La treinasso-de-Castiho trachis dins li pelouso e li pinedo sus sòu séusous. Èi pas uno planto di proun coumuno au nostre, aleva justamen en "Prouvènço séusouso". Ramentèn que lis Agrostis fan d'enflourejado en brout (paniculo) emé d'espigueto qu'an uno souleto flour. Aquesto treinasso fai parti dóu group emé uno palea un pau grando (>1/3 de la lemma), emé un rizoumo (courtet eici). Se destrìo de A. capillaris bonodi sa ligulo pu longo que 2,2 mm (e larjo) e sis enflourejado pas tant vióuleto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Agrostis
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 18 cm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun
Mai à setèmbre

Liò : Pelouso - Pinedo
Estànci : Termoumediterran à Mountagnard
Couroulougi : Bourealo
Ref. sc. : Agrostis castellana Boiss. & Reut., 1842 (= Agrostis capillaris subsp. castellana )

fotò
fotò
Rabo-cau

Sisymbrium irio

Brassicaceae Cruciferae

Àutri noum : Rouqueto, Rabicau.

Noms en français : Vélaret, Herbe aux chantres.

Descripcioun :
Lou rabo-cau es uno planto de l'an que trachis en ribo de camin, dins lis ermas e proche d'oustau. Se recounèis à si gràndi fueio penado e soun inflourejado emé si pichòti flour. Li jòuini silico arribon quàsi tóuti au meme nivèu.

Usanço :
La planto èi manjadisso mai èi pulèu couneigudo pèr èstre vertuouso contro l'estegnemen de voues (s'aplico d'òli de rabo-cau sus la garganto). Ei bono pèr souda li plago e peréu contro li rufo (n'i'a proun dins de crèmo).

Port : Erbo
Taio : 10 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Sisymbrium
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Febrié à jun

Liò : Escoumbre e proche dis oustau - Champ - Camin
Estànci : Termoumediterran à Coulinen
Couroulougi : Pancaro entresigna
Ref. sc. : Sisymbrium irio L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
C
C
C
R
C
C
R

Agrostis castellana & Sisymbrium irio

RRR
ges
R
RR
C
R
R
ges

Coumpara Treinasso(-de-Castiho) emé uno autro planto

fotò

Coumpara Rabo-cau emé uno autro planto

fotò